នៅរសៀលថ្ងៃនេះ សម្ដេចក្រឡាហោម ស ខេង ​​អញ្ជើញប្រកាសលោក អ៊ូច ភា ចូលកាន់តំណែងជាអភិបាលខេត្តតាកែវថ្មី ជំនួសលោក ឡាយ វណ្ណៈ​

Credit: freshnews
(តាកែវ)៖ សម្តេចក្រឡាហោ ស​ ខេង ឧបនាយករដ្ឋម​ន្ត្រី រដ្ឋមន្ដ្រីក្រសួងមហាផ្ទៃ នៅរសៀលថ្ងៃទី៣០ ខែមីនា ឆ្នាំ២០១៨នេះ អញ្ជើញទៅប្រកាសលោក អ៊ូច ភា ជាអភិបាលខេត្តតាកែវថ្មី ជំនួសលោក ឡាយ វណ្ណៈ ដែលត្រូវប្រមុខរដ្ឋស្តីទីសម្តេចវិបុសេនាភក្តី សាយ ឈុំ ចេញព្រះរាជក្រឹត្យផ្ទេរឲ្យទៅបម្រើការងារ នៅទីស្តីក្រសួងមហាផ្ទៃវិញ។

សូមបញ្ជាក់ថា បើយោងតាមព្រះរាជក្រឹត្យរបស់ព្រះមហាក្សត្រ នៃកម្ពុជា ដែលចុះហត្ថលេខាដោយប្រមុខរដ្ឋស្តីទី សម្ដេចវិបុលសេនាភក្តី សាយ ឈុំ កាលពីថ្ងៃទី២៦ ខែមីនា ឆ្នាំ២០១៨កន្លងទៅនេះ បានសម្រេចផ្ទេរលោក ឡាយ វណ្ណៈ អភិបាលខេត្តតាកែវចាស់ ឲ្យទៅបម្រើការងារ នៅទីស្តីការក្រសួងមហាផ្ទៃ ដោយដាក់ជំនួសលោក អ៊ូច ភា អភិបាលរងខេត្ត ឲ្យទៅជាអភិបាលខេត្ត៕