(ភ្នំពេញ)៖ អំណោយរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ត្រូវបានលោក នុត ពុធដារ៉ា អភិបាលខណ្ឌដង្កោ និងជា​ប្រធានកិត្តិយសអនុសាខាកាកបាទក្រហមកម្ពុជាខណ្ឌដង្កោ ​ទៅចែកជូនប្រជាពលរដ្ឋក្រីក្រ​៥០គ្រួសារ នៅសង្កាត់រលួស នាព្រឹកថ្ងៃទី៣០ ខែវិច្ឆិកា ឆ្នាំ២០១៨នេះ ដោយមានការចូលរួមពី ព្រះសង្ឃ និងមន្ដ្រីរាជការជាច្រើនរូបផងដែរ។ លោក នុត ពុធដារ៉ា បាន​ផ្តាំផ្ញើ​ការសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត ដែលជានិច្ចកាលសម្តេចតែងគិតគូរ យកចិត្តទុកដាក់ដល់ការលំបាករបស់​ប្រជាពលរដ្ឋនៅមូលដ្ឋាន ជាពិសេសប្រជាពលរដ្ឋក្រីក្រ ជួបការលំបាក ចាស់ជរា ជនពិការ អ្នកផ្ទុកមេរោគអេដស៍ជំងឺអេដស៍ កុមារកំព្រាជាដើម ហើយសម្តេចទាំងទ្វេរបានផ្តាំផ្ញើ​ដល់អាជ្ញាធរគ្រប់លំដាប់ថ្នាក់ឲ្យគិតគូរពីសុខទុក្ខ និងការលំបាកនានា ដើម្បីដោះស្រាយឲ្យបានទាន់ពេលវេលា។​ លោកក៏បានលើកឡើងអំពីការអភិវឌ្ឍន៍រីកចម្រើន ឥតឈប់ឈររបស់ប្រទេសជាតិ​ ពីមួយថ្ងៃទៅមួយថ្ងៃ ក្រោមការដឹកនាំ​របស់សម្តេច​តេជោ ហ៊ុន សែន នាយករដ្ឋមន្ត្រី ដែលសម្តេចបានខិតខំតស៊ូរំដោះប្រទេសពីរបបប្រល័យពូជសាសន៍ អភិវឌ្ឍន៍ជាតិឲ្យបានរីកចម្រើនលើគ្

(នេប៉ាល់)៖ នៅព្រឹកថ្ងៃទី៣០ ខែវិច្ឆិកា ឆ្នាំ២០១៨នេះ ដែលជាថ្ងៃទី២ នៃការស្នាក់អាស្រ័យបំពេញទស្សនកិច្ចផ្លូវការ និង​អញ្ជើញចូលរួមកិច្ចប្រជុំកំពូល អាស៊ី-ប៉ាស៊ីហ្វិក នៅទីក្រុងកដ្ឋមន្ឌូ សាធារណរដ្ឋសហព័ន្ធប្រជាធិបតេយ្យនេប៉ាល់ សម្តេច​តេជោ ហ៊ុន សែន នាយករដ្ឋមន្រ្តីនៃ​កម្ពុជា និងគណៈប្រតិភូជាន់ខ្ពស់ រាជរដ្ឋាភិបាលកម្ពុជា បានអញ្ជើញទស្សនាប្រាសាទបុរាណចំនួន២​កន្លែង ក្នុងទីក្រុងកដ្ឋមន្ឌូ ក្នុងនោះរួមមាន ប្រាសាទ​បុរាណ ក្នុងវិសានដ្ឋានប៉ាតាន់ឌួបា និងហ៊ីរ៉ាន់យ៉ា ម៉ាហាវិហារ ប្រាសាទមាស ព្រះវិហាព្រះពុទ្ធសាសនាមាយាន របស់ប្រទេសនេប៉ាល់។​ វត្តមាននៃការ​អញ្ជើញដល់របស់សម្តេចតេជោ ហ៊ុន សែន ​​និងគណៈប្រតិភូជាន់ខ្ពស់រាជរដ្ឋាភិបាល ត្រូវបាន​ការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុត ពីសំណាក់ថ្នាក់ដឹកនាំអភិរក្ស នៃតំបន់ប្រវត្តិ​សាស្រ្តទាំងពីរ រួមទាំងភ្ញៀវទេសចរ​ជាតិ និងអន្តរជាតិ​ជាច្រើនរូប។ ទីតាំងប្រវត្តិ​សាស្រ្តទាំងពីរនេះ ត្រូវបានកសាងឡើងនៅក្នុងឆ្នាំ១៩២៦ ដែលជាសំណង់ប្រវត្តិសាស្រ្តដ៏ចាស់​បុរាណបំផុត របស់ប្រទេសនេប៉ាល់ ដែលកសាងឡើងដោយ រាជវង្ស និងបុព្វបុរសនេប៉ាល់។ តំបន់ប្រវត្តិសាស្រ្តនេះ មានលំនាំជាប្រាសាទ ស្រះបុរាណដែលកសាងឡើងក្នុងឆ

(ភ្នំពេញ)៖ នៅព្រឹកថ្ងៃទី៣០ ខែវិច្ឆិកា ឆ្នាំ២០១៨នេះ លោក សុខ ពុទ្ធិវុធ បានចាត់តាំង លោក នង វាសនា អនុប្រធានសហព័ន្ធស្រូវអង្ករកម្ពុជា ចូលជួបពិភាក្សាជាមួយ លោកបណ្ឌិត Ingo Karsten ឯកអគ្គរដ្ឋទូតសហព័ន្ធអាល្លឹម៉ង់ប្រចាំព្រះរាជាណាចក្រកម្ពុជា ស្តីពី ករណីសហគមអឺរ៉ុប(EU) គ្រោងដាក់ពន្ធលើការនាំចូលអង្ករពីកម្ពុជា។ នៅក្នុងជំនួបនោះ លោកអនុប្រធានសហព័ន្ធស្រូវអង្ករកម្ពុជា បានជម្រាបជូនពីស្ថានភាពស្រូវអង្ករ និងពិសេសផ្តោតសំខាន់ទៅលើការស្នើសុំដាក់វិធានការ (Safeguard) របស់សមាជិកសហភាពអឺរ៉ុបមកលើកម្ពុជា ថាមិនបានជួយដល់កម្ពុជា និងបានស្នើសុំសហព័ន្ធអាឡឺម៉ង់ ក្នុងការបោះឆ្នោតបដិសេធលើសំណើនេះ​ដែលនឹងធ្វើនាពេលឆាប់ៗខាងមុខ។ លោកបានលើកឡើងពីចំណុចមិនទាន់គ្រប់ជ្រុងជ្រោយ ដែលបានលើកឡើងក្នុងសំណើដាក់ពន្ធលើអង្ករកម្ពុជាដោយអ៉ីតាលី និងអេស្បាញ និងបានលើកឡើងពីការខិតខំប្រឹងប្រែងរបស់កម្ពុជា ក្នុងការអភិវឌ្ឍវិស័យស្រូវអង្ករ ការធ្វើទំនើបកម្ម និងការធ្វើពិពិធកម្មទីផ្សារទៅកាន់ទីផ្សារផ្សេងៗ។ ជាមួយគ្នានេះ លោកក៏បានលើកឡើងពីផលប៉ះពាល់នៃការដាក់ពន្ធនេះ មកលើជីវភាពកសិករ ដែលមួយភាគធំ គឺអាស្រ័យផលលើផលិតកម្មស្រូវនេះ។ ការដាក់ពន្ធនេះ អាចនឹងធ្វើឱ្យមានការធ្លាក់ចុះនៃចំណូលកសិករ ក

(ប៉ារីស)៖ នៅទីបំផុតមន្ត្រីព្រឹទ្ធសភា​បារាំងជាន់ខ្ពស់មួយរូប ត្រូវបាន​ដាក់ឱ្យនៅក្រោម​ការស៊ើប​អង្កេតជាផ្លូវការ​ហើយ ពីបន្ទាប់​ពីត្រូវដោយអាជ្ញាធរបានចោទថា បានធ្វើចារកម្មឱ្យកូរ៉េខាងជើង។ នេះបើតាម​ការចេញផ្សាយ​ដោយសារព័ត៌មាន BBC នៅរសៀល​ថ្ងៃសុក្រ ទី៣០ ខែវិច្ឆិកា ឆ្នាំ២០១៨។ មន្ត្រីព្រឹទ្ធសភា​បារាំងជាន់ខ្ពស់ម្នាក់​មានឈ្មោះថា ប៊េណ័រ កេណឺដេ (Benoît Quennedey) ត្រូវគេសង្ស័យថា បានប្រព្រឹត្ត​អំពើក្បត់ជាតិ និងធ្វើចារកម្ម​ឱ្យបរទេស ដែលទោសនេះ​អាចឱ្យលោកជាប់​ពន្ធនាគារ ១០ឆ្នាំ បើតុលាការ​រកឃើញទោស​កំហុសពិតមែននោះ។ លោក Quennedey គឺជាមន្ត្រីព្រឹទ្ធសភា​បារាំងជាន់ខ្ពស់​ម្នាក់ មកពីនាយកដ្ឋាន​ស្ថាបត្យកម្ម បេតិភណ្ឌ និងសួនច្បារ ហើយមិនតែ​ប៉ុណ្ណោះ លោកក៏ជាប្រធាន​សមាគមទំនាក់ទំនង​បារាំង-កូរ៉េផងដែរ។ បន្ថែមពីលើនេះ​បើតាមប្រព័ន្ធផ្សព្វផ្សាយ​បារាំង លោក Quennedey បានធ្វើដំណើរ​ទៅកាន់ប្រទេស​កូរ៉េខាងជើង​ជាច្រើនលើក ក្នុងរយៈពេលប៉ុន្មាន​ឆ្នាំចុងក្រោយនេះ ហើយថែម​ទាំងបានជួបជាមួយ​ក្រុមមន្ត្រីកូរ៉េខាងជើង​ជាច្រើនរូប ស្របពេល​អាជ្ញាធរ​បាន តាមស៊ើបអង្កេត​លើរូបលោកកាលពីជាង​មួយឆ្នាំមុន​មកម្ល៉េះ។ គួរបញ្ជាក់ថា លោក Quennedey ត្រូវបានប៉ូលិស​បារាំងចាប់ខ្លួន

(ស្វាយរៀង)៖ លោក មាស ប៊ុនឡី ប្រធានក្រុមការងារគណបក្សប្រជាជនកម្ពុជា ចុះជួយឃុំពោធិ៍រាជ ស្រុកស្វាយជ្រុំ ខេត្តស្វាយរៀង បានលើកឡើងថា ទិវាកំណើតរណសិរ្ស២ធ្នូ ជាប្រវត្តិសាស្ត្រ​ដែលបានរំដោះ និងសង្គ្រោះជាតិមាតុភូមិ​ និងប្រជាជនកម្ពុជា ឱ្យរស់រានមានជីវិតឡើង​វិញរួចផុតពីគ្រោះមហន្តរាយ និងការកាប់សម្លាប់​នៃរបបកម្ពុជា​ប្រជាធិបតេយ្យរបស់ប៉ុលពត។ ការលើកឡើងបែបនេះរបស់លោក មាស ប៊ុនឡី បានធ្វើឡើងនៅថ្ងៃទី៣០ ខែវិច្ឆិកា ឆ្នាំ២០១៨នេះ នៅក្នុងឱកាស ដែលលោកបានអញ្ជើញចុះជួបសំណេះសំណាលជាមួយសមាជិក សមាជិការគណបក្សប្រជាជនកម្ពុជា នៅឃុំពោធិ៍រាជ ដើម្បីរំលឹកខួបកំណើតរណសិរ្យ២ធ្នូ។ ជាមួយគ្នានេះដែរ លោក មាស ប៊ុនឡី បានថ្លែងនូវការផ្តាំផ្ញើ និងសាកសួរសុខទុកពីសំណាក់លោក ចៅ ភិរុណ ជាប្រធានក្រុមការងារ គណបក្សប្រជានកម្ពុជា ចុះជួយស្រុកស្វាយជ្រុំ ដល់អង្គពិធីផងដែរ​ដោយលោកបានរំលេចថាលោកប្រធានក្រុមការងារ តែងតែនឹករលឹកដល់សមាជិក​សមាជិការ​គណបក្សប្រជាជនកម្ពុជា​ទាំងអស់នៅស្រុកស្វាយជ្រុំ។ លោកបានបញ្ជាក់ថា ប្រជាជនកម្ពុជា​នៅចងចាំបានថា រណសិរ្ស២​ធ្នូ​គឺជាបុព្វការី​ដ៏មានមហាគុណូបការៈចំពោះជាតិ និងប្រជាជនកម្ពុជា​ ស្របនឹងទិសស្លោកជាសច្ចធម៌ជាប្រវត្តិសាស្ត្រដែលថា​មានថ្ងៃ២ធ្នូ​ទើបមា

(ស៉ីដនី)៖ អាកាសធាតុ​ក្ដៅហួតហែង ក្នុងកម្រិតប្រកាស​អាសន្នខ្ពស់ បាននិងកំពុងបង្កការ​លំបាកយ៉ាងខ្លាំង​ដល់ប្រជាជន និងករណីភ្លើងឆេះព្រៃ​នៅតាមតំបន់មួយចំនួន​នៅក្នុងរដ្ឋ ឃ្វីនស៍ឡេន (Queensland) នៃប្រទេសអូស្រ្ដាលី អស់រយៈពេល​ជាងមួយ​សប្ដាហ៍មកហើយ ខណៈអាជ្ញាធរ​បានព្រមានឱ្យប្រជាជន​មានការប្រុងប្រយ័ត្នខ្ពស់ និងត្រៀមខ្លួន​ជានិច្ចក្នុងការ​ជម្លៀសខ្លួន។ នេះបើតាមការចេញផ្សាយដោយ​ទីភ្នាក់ងារសារព័ត៌មានចិនស៉ីនហួរ នៅព្រឹកថ្ងៃសុក្រ ទី៣០ ខែវិច្ឆិកា ឆ្នាំ២០១៨។ យោងតាមអាជ្ញាធរ​អូស្ត្រាលី​ ភ្លើងឆេះព្រៃជាង ២០០ករណី កំពុងបន្តឆាបឆេះ​នៅទូទាំងរដ្ឋ Queensland ក្នុងនោះមាន​ភ្លើងឆេះព្រៃ​ទ្រង់ទ្រាយធំ​មួយ ដែលបានបង្ខំឱ្យពួកគេជម្លៀស​ប្រជាជនទៅរកកន្លែងមាន​សុវត្ថិភាព ព្រមទាំងភ្លើងឆេះ​ព្រៃធំៗចំនួន ០៧ករណីទៀត កំពុង​គំរាមកំហែង និងបង្កឱ្យអាកាសធាតុ​ឡើងក្ដៅរហូតដល់​ទៅ ៤៥អង់ស្សាសេ នៅតាម​តំបន់ខ្លះ។ គួរបញ្ជាក់ថា ផ្ទះប្រជាជនប្រមាណ ១៥ខ្នង ក៏ត្រូវបានបំផ្លាញផងដែរ រីឯក្រុមអ្នកពន្លត់​អគ្គិភ័យជាច្រើននាក់ កំពុងតស៊ូប្រយុទ្ធ​ប្រឆាំងនឹង​ភ្លើងព្រៃជាង ២០០កន្លែង ទាំងតូច​ទាំងធំ។ បន្ថែមពីលើនេះ​អ្នកពន្លត់​អគ្គិភ័យ ១០០នាក់​មកពីរដ្ឋ ញូសោតវែលស៍ (New South Wales) ត្រូវបា

(ភ្នំពេញ)៖ ស្ថានទូតសាធារណរដ្ឋប្រជាមានិតចិនប្រចាំកម្ពុជា នៅថ្ងៃទី៣០ ខែវិច្ឆិកា ឆ្នាំ២០១៨នេះ បានចូលរួមសម្ដែងការអបអរសាទរចំពោះល្ខោនខោលរបស់កម្ពុជា ដែលត្រូវបានដាក់បញ្ចូលជាផ្លូវការក្នុ​ងបញ្ជីបេតិកភណ្ឌវប្បធម៌អរូបីនៃមនុស្សជាតិ។ សូមបញ្ជាក់ថា «ល្ខោនខោល» ដែលជាស្នាដៃសិល្បៈបុរាណដ៏វិសេសវិសាលអស្ចារ្យរបស់កម្ពុជា ត្រូវបានអង្គការយូណេស្កូសម្រេចដាក់ចូលក្នុងបញ្ជី បេតិកភ័ណ្ឌពិភព អរូបីយនៃមនុស្សជាតិ ក្នុងឱកាសកិច្ចប្រជុំលើកទី១៣ ក្នុងទីក្រុងព័រល្វីស នៃសាធារណរដ្ឋម៉ូរីស នៅថ្ងៃទី២៨ ខែវិច្ឆិកា ឆ្នាំ២០១៨​។ សម្តេចតេជោ ហ៊ុន សែន ​បានចាត់ទុកសមិទ្ធផលនេះ គឺជាមោទនភាពថ្មីមួយទៀត សម្រាប់ប្រជាពលរដ្ឋ និងប្រទេសកម្ពុជា។ សម្តេចតេជោប្រមុខរាជរដ្ឋាភិបាល បានលើកឡើងថា សមិទ្ធផលនេះ គឺជាលទ្ធផលនៃកិច្ចប្រឹងប្រែងដ៏យូរអង្វែង និងការពុះពារយ៉ាងសកម្មរបស់រាជរដ្ឋាភិបាលកម្ពុជា ដឹកនាំដោយ គណបក្សប្រជាជនកម្ពុជា និងការគាំទ្រយ៉ាងផុលផុសពីសិល្បៈករ អង្គការ សមាគមន៍ សង្គមស៊ីវិល ដែលធ្វើការក្នុងវិស័យសិល្បៈវប្បធម៌ និងការគាំទ្រលើកទឹកចិត្តពីមហាជនទូទៅ និងប្រជាជនកម្ពុជាទាំងមូល។ សម្តេចតេជោនាយករដ្ឋមន្ដ្រី បានបន្ថែមថា ការដាក់បញ្ចូល «ល្ខោនខោល» ទៅក្នុងបញ្ជីអរូបីយនៃមនុស្សជាត