កញ្ញា កឹម មនោវិទ្យា ទាមទារឲ្យជប៉ុន បកស្រាយរឿងផ្តល់ជំនួយឲ្យ គ.ជ.ប កម្ពុជា ប៉ុន្តែអ្នកនាំពាក្យ គ.ជ.ប អះអាងថា អ្វីៗគឺធ្វើទៅតាមច្បាប់
Credit: freshnews
(ភ្នំពេញ)៖ កូនស្រីលោក កឹម សុខា កញ្ញា កឹម មនោវិទ្យា បានទាមទារឲ្យរដ្ឋាភិបាលជប៉ុន ចេញមុខពន្យល់បកស្រាយអំពីការផ្តល់ជំនួយរបស់ប្រទេសជប៉ុន គាំទ្រដំណើរការរៀបចំការបោះឆ្នោត ដល់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប។ ការទាមទារឲ្យរដ្ឋាភិបាលជប៉ុន ចេញមុខបកស្រាយនេះ ធ្វើឡើងក្រោយពេលដែលរដ្ឋាភិបាលជប៉ុន បានផ្ដល់ជំនួយជាហិបឆ្នោតចំនួន១ម៉ឺនហិបឆ្នោត ដែលមានតម្លៃជាទឹកប្រាក់សរុបជាង ៧លាន ៥សែន( ៧,៥ ) ដុល្លារ នៅថ្ងៃទី២១ កុម្ភៈ។
កញ្ញា កឹម មនោវិទ្យា បានសរសេរនៅលើទំព័រ Twitter របស់កញ្ញាថា «ជប៉ុនត្រូវតែពន្យល់ដល់ប្រជាជនកម្ពុជាថា តើហេតុអ្វីបានជាខ្លួន ធ្វើការគាំទ្រដល់ការបោះឆ្នោតសិប្បនិម្មិត ដែលជាការលួចប្លន់ឆន្ទៈ នៃប្រជាជនកម្ពុជារាប់លាននាក់»។
ពាក់ព័ន្ធបញ្ហានេះ លោក ឌឹម សុវណ្ណារុំ អ្នកនាំពាក្យរបស់គ.ជ.ប បានឲ្យដឹងថា អ្វីៗដែល គ.ជ.ប កំពុងធ្វើ ដែលក្នុងនោះមានទាំងការទទួលយកជំនួយផងនោះ គឺអនុវត្តតែទៅតាមច្បាប់ប៉ុណ្ណោះ ។ លោកបានលើកឡើងថា «សម្រាប់ការបោះឆ្នោតព្រឹទ្ធសភាខាងមុខ គឺខាង គ.ជ.ប បានរៀបចំរួចជាស្រេចហើយ។ គឺយើងដំណើរការទៅដោយក្របខណ្ឌ គ.ជ.ប តែម្នាក់ឯងគ្មានអ្វីជាឧបសក្គទេ គឺអ្វីៗដំណើរការដូចការគ្រោងទុក»។
លោកបានថ្លែងថា សម្រាប់ការបោះឆ្នោតជាតិ នៅពេលខាងមុខ គ.ជ.ប ទទួលជំនួយពីប្រទេសជាច្រើន ពិសេសប្រទេសជប៉ុនដែលទើបប្រកាសផ្តល់ថ្មីៗនេះ នូវទឹកប្រាក់សរុបចំនួន៨០០លានយ៉េន (ប្រមាណ៧លានដុល្លារអាមេរិក) សម្រាប់ហិបឆ្នោតជាង១ម៉ឺន និងសម្ភារបច្ចេកទេសដទៃទៀត។ ក្រៅពីនេះគ.ជ.ប មានជំនួយពីប្រទេសចិន ប្រទេសរុស្ស៊ី៕
(ភ្នំពេញ)៖ កូនស្រីលោក កឹម សុខា កញ្ញា កឹម មនោវិទ្យា បានទាមទារឲ្យរដ្ឋាភិបាលជប៉ុន ចេញមុខពន្យល់បកស្រាយអំពីការផ្តល់ជំនួយរបស់ប្រទេសជប៉ុន គាំទ្រដំណើរការរៀបចំការបោះឆ្នោត ដល់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប។ ការទាមទារឲ្យរដ្ឋាភិបាលជប៉ុន ចេញមុខបកស្រាយនេះ ធ្វើឡើងក្រោយពេលដែលរដ្ឋាភិបាលជប៉ុន បានផ្ដល់ជំនួយជាហិបឆ្នោតចំនួន១ម៉ឺនហិបឆ្នោត ដែលមានតម្លៃជាទឹកប្រាក់សរុបជាង ៧លាន ៥សែន( ៧,៥ ) ដុល្លារ នៅថ្ងៃទី២១ កុម្ភៈ។
កញ្ញា កឹម មនោវិទ្យា បានសរសេរនៅលើទំព័រ Twitter របស់កញ្ញាថា «ជប៉ុនត្រូវតែពន្យល់ដល់ប្រជាជនកម្ពុជាថា តើហេតុអ្វីបានជាខ្លួន ធ្វើការគាំទ្រដល់ការបោះឆ្នោតសិប្បនិម្មិត ដែលជាការលួចប្លន់ឆន្ទៈ នៃប្រជាជនកម្ពុជារាប់លាននាក់»។
ពាក់ព័ន្ធបញ្ហានេះ លោក ឌឹម សុវណ្ណារុំ អ្នកនាំពាក្យរបស់គ.ជ.ប បានឲ្យដឹងថា អ្វីៗដែល គ.ជ.ប កំពុងធ្វើ ដែលក្នុងនោះមានទាំងការទទួលយកជំនួយផងនោះ គឺអនុវត្តតែទៅតាមច្បាប់ប៉ុណ្ណោះ ។ លោកបានលើកឡើងថា «សម្រាប់ការបោះឆ្នោតព្រឹទ្ធសភាខាងមុខ គឺខាង គ.ជ.ប បានរៀបចំរួចជាស្រេចហើយ។ គឺយើងដំណើរការទៅដោយក្របខណ្ឌ គ.ជ.ប តែម្នាក់ឯងគ្មានអ្វីជាឧបសក្គទេ គឺអ្វីៗដំណើរការដូចការគ្រោងទុក»។
លោកបានថ្លែងថា សម្រាប់ការបោះឆ្នោតជាតិ នៅពេលខាងមុខ គ.ជ.ប ទទួលជំនួយពីប្រទេសជាច្រើន ពិសេសប្រទេសជប៉ុនដែលទើបប្រកាសផ្តល់ថ្មីៗនេះ នូវទឹកប្រាក់សរុបចំនួន៨០០លានយ៉េន (ប្រមាណ៧លានដុល្លារអាមេរិក) សម្រាប់ហិបឆ្នោតជាង១ម៉ឺន និងសម្ភារបច្ចេកទេសដទៃទៀត។ ក្រៅពីនេះគ.ជ.ប មានជំនួយពីប្រទេសចិន ប្រទេសរុស្ស៊ី៕
Comments