ព័ត៌មានរសើប! បច្ចុប្បន្ននេះ «រុស្ស៊ីកំពុងបង្កើន​ការផលិត មីស៊ីលផ្លោងកម្ទេចនាវាពិឃាត និងយន្តហោះចម្បាំង» ក្នុង​ទ្រង់ទ្រាយ​ធំតែម្តង!

Credit: freshnews
(ម៉ូស្គូ)៖ អនុរដ្ឋមន្ត្រី​ការពារជាតិរុស្ស៊ី លោក យូរីយ បួរីសូវ (Yuriy Borisov) នៅថ្ងៃចន្ទនេះ​បានអះអាងថា ឧស្សហកម្មរុស្ស៊ី​ត្រៀមខ្លួន រួចជាស្រេច​ក្នុងការផលិតគ្រាប់​មីស៊ីលអន្តរទ្វីប សារម៉ាត (Sarmat) បន្ថែម ហើយដែល​មីស៊ីលទាំងនេះ​សុទ្ធតែមាន​សមត្ថភាពបាញ់​កម្ទេច នាវាចម្បាំង យន្ដហោះ​ចម្បាំង រួមទាំងនាវាពិឃាត​ផងដែរ។ នេះបើតាម​ការចេញផ្សាយដោយ សារព័ត៌មាន Sputnik នៅព្រឹកថ្ងៃចន្ទ ទី១២ ខែមីនា ឆ្នាំ២០១៨។

ថ្លែងនៅក្នុងបទ​សម្ភាសន៍​ជាមួយសារព័ត៌មាន Krasnaya Zvezda លោក Yuriy Borisov បានឱ្យដឹងយ៉ាងដូច្នេះថា «រាល់ការអនុវត្ត វិទ្យាសាស្ត្រ បច្ចេកវិទ្យា និងបញ្ហា​ទាំងឡាយ​ពាក់ព័ន្ធនឹង​ការផលិត ត្រូវបានត្រួតពិនិត្យ​រួចរាល់អស់ហើយ។ ចំណែកឯ បរិក្ខា​ចាំបាច់នានាសម្រាប់ការផលិត​ ក៏ត្រូវបានតៀម​រួចរាល់ដែរ.... ដូច្នេះការ​ផលិតមីស៊ីល Sarmat តាមបទ​បញ្ជារបស់​ក្រសួងការ​ពារជាតិ​បានត្រៀមរួចជាស្រេច»។

គួររំលឹកថា កាលពីថ្ងៃទី០១ ខែមីនា ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា រុស្ស៊ីបានចាប់​ផ្ដើមផលិត​ក្នុង​ចំនួនដ៏ច្រើន​ នូវអាវុធ​ទំនើប​ចុងក្រោយ​​របស់ខ្លួនឈ្មោះ Avangard ដែលជា​ប្រព័ន្ធ​មីស៊ីល​អន្តរទ្វីប​ ​រយៈចំងាយឆ្ងាយ។ ការផលិត​​នេះត្រូវបាន​ក្រុមជំនាញ​មើលឃើញថា បានកើតមាន​ឡើង​នៅអំឡុង​នៃបញ្ហាតានតឹង នៅតាមតំបន់​ព្រំដែនរុស្ស៊ី-អឺរ៉ុប ចេះតែកើន​ឡើង៕