ឆ្នេរមួយកន្លែងក្នុងខេត្តកែប កំពុងលាក់ខ្លួនពីភ្នែកទេសចរ
Credit: sabay
ថ្វីត្បិតកែប ជាខេត្តតូចក៏ពិតមាន ខេត្តជាប់សមុទ្រមួយនេះមានទាំងព្រៃភ្នំ សមុទ្រ ឆ្នេរខ្សាច់ និងកោះខ្លះទៀតផង។ អ្នកទេសចរទំនងជាបានស្គាល់ច្រើនពីឆ្នេរខ្សាច់ស តែប្រហែលជាមិនសូវស្គាល់ឆ្នេរខ្សាច់ពណ៌ត្នោតដែលមានប្រវែងជាងមួយគីឡូម៉ែត្រមួួយនេះទេ។
ឆ្នេរនេះមានទីតាំងស្ថិតនៅក្នុងឃុំអង្កោល ស្រុកដំណាក់ចង្អើរ មានចម្ងាយប្រហែល១២គីឡូម៉ែត្រពីទីរួមខេត្តកែប។ ទោះយ៉ាងណាឆ្នេរមួយនេះមិនសូវមានអ្នកទៅលេងប៉ុន្មានទេ អ្នកដែលទៅភាគច្រើនជាអ្នកនេសាទ។
បើតាមប្រជាសហគមន៍នៅនៅតំបន់ឆ្នេរនេះ ក្នុងមួយថ្ងៃៗអ្នកនេសាទតែងយកទូកមកចតនៅនឹងឆ្នេរ ហើយនាំយកទាំងសំរាម សំបកសិប្បីសត្វស្រួចៗ មកចាក់ចោលនៅលើខ្សាច់ បណ្ដាលឲ្យមានក្លិនស្អុយ និងបង្កឲ្យមានរបួសដល់អ្នកចុះងូតទឹកសមុទ្រផង។ លោក មាស វ៉ា ប្រធានសហគមន៍នៅឆ្នេរនោះឲ្យដឹងថា ដោយសារប្រជានេសាទខ្លះមិនសូវចូលរួមថែរក្សាឆ្នេរ ធ្វើឲ្យឆ្នេរមិនសូវស្អាត។ លោកថាដោយសារកង្វះការចូលរួមពីប្រជាពលរដ្ឋមួយចំនួនផង និងអ្នកនេសាទខ្លះផង ទើបបានជាក្រុមរបស់លោកមិនអាចសម្អាតឆ្នេរនេះឲ្យស្អាតបាន។
លោកបញ្ជាក់ថា អាជ្ញាធរខេត្តបានចុះមកអប់រំ និងណែនាំពលរដ្ឋញឹកញាប់ដែរ តែថាហាក់គ្មានប្រសិទ្ធភាព។ លោកឲ្យដឹងដែរថាតំបន់ឆ្នេរនេះក៏ស្ថិតក្នុងគម្រោងអភិវឌ្ឍន៍ផងដែរ តែថានៅមិនទាន់ចេញជារូបរាងច្បាស់លាស់នៅឡើយ។ លោកបន្តថាអ្វីកំពុងធ្វើសព្វថ្ងៃគឺ ការខិតខំដោះស្រាយបញ្ហាសំរាម និងហាមមិនឲ្យមានការបំពានឆ្នេរតែប៉ុណ្ណោះ។
ចំណែកលោកស្រី គឹម ចន្នី អភិបាលស្រុកដំណាក់ចង្អើរមានប្រសាសន៍ថាដោយសារតែផ្លូវទៅកាន់តំបន់នេះមិនទាន់បានតភ្ជាប់ឲ្យបានល្អ នោះ ទើបឆ្នេរនេះហាក់នៅឆ្ងាយពីអ្នកទេសចរ។ អ្នកស្រីបន្តថាសម្រាប់ឆ្នាំ២០១៨នេះ អាជ្ញារស្រុកនឹងសហការជាមួយអាជ្ញាធរពាក់ព័ន្ធដើម្បីគ្រប់គ្រងសំរាម និងដោះស្រាយបញ្ហាប្រជានេសាទដែលតែងតែយកទូកមកចតនៅតាមឆ្នេរនេះ ដើម្បីធ្វើឲ្យឆ្នេរមានសណ្តាប់ធ្នាប់ល្អ។
ឆ្នេរខ្សាច់ធម្មជាតិនេះ មានប្រវែងជាងមួយពាន់ម៉ែត្រ គ្របដណ្តប់ដោយម្លប់ដូងធម្មជាតិ នៅជាប់ខាងលើឆ្នេរខ្សាច់ មានបឹងទឹកសាប និងព្រៃឈើដុះព័ទ្ធជុំវិញលម្អដោយដើមផ្កាតូចៗជាច្រើនទៀតផង៕
ថ្វីត្បិតកែប ជាខេត្តតូចក៏ពិតមាន ខេត្តជាប់សមុទ្រមួយនេះមានទាំងព្រៃភ្នំ សមុទ្រ ឆ្នេរខ្សាច់ និងកោះខ្លះទៀតផង។ អ្នកទេសចរទំនងជាបានស្គាល់ច្រើនពីឆ្នេរខ្សាច់ស តែប្រហែលជាមិនសូវស្គាល់ឆ្នេរខ្សាច់ពណ៌ត្នោតដែលមានប្រវែងជាងមួយគីឡូម៉ែត្រមួួយនេះទេ។
ឆ្នេរនេះមានទីតាំងស្ថិតនៅក្នុងឃុំអង្កោល ស្រុកដំណាក់ចង្អើរ មានចម្ងាយប្រហែល១២គីឡូម៉ែត្រពីទីរួមខេត្តកែប។ ទោះយ៉ាងណាឆ្នេរមួយនេះមិនសូវមានអ្នកទៅលេងប៉ុន្មានទេ អ្នកដែលទៅភាគច្រើនជាអ្នកនេសាទ។
(រូបភាព៖ ឈិត ធារ៉ាត់)
បើតាមប្រជាសហគមន៍នៅនៅតំបន់ឆ្នេរនេះ ក្នុងមួយថ្ងៃៗអ្នកនេសាទតែងយកទូកមកចតនៅនឹងឆ្នេរ ហើយនាំយកទាំងសំរាម សំបកសិប្បីសត្វស្រួចៗ មកចាក់ចោលនៅលើខ្សាច់ បណ្ដាលឲ្យមានក្លិនស្អុយ និងបង្កឲ្យមានរបួសដល់អ្នកចុះងូតទឹកសមុទ្រផង។ លោក មាស វ៉ា ប្រធានសហគមន៍នៅឆ្នេរនោះឲ្យដឹងថា ដោយសារប្រជានេសាទខ្លះមិនសូវចូលរួមថែរក្សាឆ្នេរ ធ្វើឲ្យឆ្នេរមិនសូវស្អាត។ លោកថាដោយសារកង្វះការចូលរួមពីប្រជាពលរដ្ឋមួយចំនួនផង និងអ្នកនេសាទខ្លះផង ទើបបានជាក្រុមរបស់លោកមិនអាចសម្អាតឆ្នេរនេះឲ្យស្អាតបាន។
(រូបភាព៖ ឈិត ធារ៉ាត់)
លោកបញ្ជាក់ថា អាជ្ញាធរខេត្តបានចុះមកអប់រំ និងណែនាំពលរដ្ឋញឹកញាប់ដែរ តែថាហាក់គ្មានប្រសិទ្ធភាព។ លោកឲ្យដឹងដែរថាតំបន់ឆ្នេរនេះក៏ស្ថិតក្នុងគម្រោងអភិវឌ្ឍន៍ផងដែរ តែថានៅមិនទាន់ចេញជារូបរាងច្បាស់លាស់នៅឡើយ។ លោកបន្តថាអ្វីកំពុងធ្វើសព្វថ្ងៃគឺ ការខិតខំដោះស្រាយបញ្ហាសំរាម និងហាមមិនឲ្យមានការបំពានឆ្នេរតែប៉ុណ្ណោះ។
(រូបភាព៖ ឈិត ធារ៉ាត់)
ចំណែកលោកស្រី គឹម ចន្នី អភិបាលស្រុកដំណាក់ចង្អើរមានប្រសាសន៍ថាដោយសារតែផ្លូវទៅកាន់តំបន់នេះមិនទាន់បានតភ្ជាប់ឲ្យបានល្អ នោះ ទើបឆ្នេរនេះហាក់នៅឆ្ងាយពីអ្នកទេសចរ។ អ្នកស្រីបន្តថាសម្រាប់ឆ្នាំ២០១៨នេះ អាជ្ញារស្រុកនឹងសហការជាមួយអាជ្ញាធរពាក់ព័ន្ធដើម្បីគ្រប់គ្រងសំរាម និងដោះស្រាយបញ្ហាប្រជានេសាទដែលតែងតែយកទូកមកចតនៅតាមឆ្នេរនេះ ដើម្បីធ្វើឲ្យឆ្នេរមានសណ្តាប់ធ្នាប់ល្អ។
ឆ្នេរខ្សាច់ធម្មជាតិនេះ មានប្រវែងជាងមួយពាន់ម៉ែត្រ គ្របដណ្តប់ដោយម្លប់ដូងធម្មជាតិ នៅជាប់ខាងលើឆ្នេរខ្សាច់ មានបឹងទឹកសាប និងព្រៃឈើដុះព័ទ្ធជុំវិញលម្អដោយដើមផ្កាតូចៗជាច្រើនទៀតផង៕
Comments