មហាយក្សឥណ្ឌា «រៀបចំសមយុទ្ធទ័ពអាកាសធំបំផុត រយៈពេល ០២សប្តាហ៍» ដោយមានយន្តហោះយោធា-ចម្បាំង ១,១០០គ្រឿង ចូលរួម...
(ញូដេលី)៖ ខណៈឥណ្ឌាកំពុងតែមានភាពតានតឹង នៅតំបន់កាស្មៀជាមួយនឹងប៉ាគីស្ថាននោះ មហាយក្សលេខ ២ នៅតំបន់អាស៊ីមួយនេះ បានប្រកាសធ្វើសមយុទ្ធទ័ពអាកាសរយៈពេលរហូតដល់ទៅ ០២សប្តាហ៍ ដែលជាលំហាត់ហ្វឹកហ្វឺនដ៏ធំបំផុតមួយ ប្រចាំឆ្នាំ២០១៨ នេះតែម្តង។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នារសៀលថ្ងៃសៅរ៍ ទី០៧ ខែមេសា ឆ្នាំ២០១៨។
អំឡុងនៃការធ្វើសមយុទ្ធទ័ពអាកាស ដែលមានរហស្សនាមថា «លំហាត់ហ្គាហ្គាន់ហ្សាកទី» (Gaganshakti) នឹងត្រូវចូលរួមដោយយន្តហោះយោធា និងយន្តហោះចម្បាំង ១,១០០គ្រឿង ក្នុងនោះមានទាំងយន្តហោះចម្បាំងប្រភេទ Sukhoi-30MKI ដែលទិញពីរុស្ស៊ី និងយន្តហោះចាក់សាំងនៅកណ្តាលអាកាស ជាច្រើនគ្រឿងថែមទៀត។ សមយុទ្ធដ៏ធំមហិមាបែបនេះ ត្រូវបានឥណ្ឌាអះអាងថា ជាការហ្វឹកហ្វឺនជំនាញ ដើម្បីជាការត្រៀមខ្លួនឲ្យបានរួចរាល់ សម្រាប់ហេតុការណ៍នានា ដែលអាចកើតមានឡើងភ្លាមៗ ដោយឥតព្រាងទុក។
អ្នកនាំពាក្យកងទ័ពអាកាសឥណ្ឌា លោក អានុផាម បាណែហ្សី (Anupam Banerjee) បានអះអាងថា «វាជាលើកដំបូងបំផុត ដែលមានការហ្វឹកហ្វឺន និងធ្វើសមាហរណកម្មយន្តហោះចម្បាំង Tejas ជាពន្លឺប្រកបដោយប្រសិទ្ធភាព ដើម្បីអាចធ្វើប្រតិបត្តិការដោយកងទ័ពអាកាសឥណ្ឌា ទៅតាមការគ្រោងទុក»។ ការបង្កើនជំនាញនេះ ក៏នឹងត្រូវផ្សាភ្ជាប់ជាមួយកិច្ចសហប្រតិបត្តិការ រវាងកងទ័ពជើងទឹកផងដែរ៕
អំឡុងនៃការធ្វើសមយុទ្ធទ័ពអាកាស ដែលមានរហស្សនាមថា «លំហាត់ហ្គាហ្គាន់ហ្សាកទី» (Gaganshakti) នឹងត្រូវចូលរួមដោយយន្តហោះយោធា និងយន្តហោះចម្បាំង ១,១០០គ្រឿង ក្នុងនោះមានទាំងយន្តហោះចម្បាំងប្រភេទ Sukhoi-30MKI ដែលទិញពីរុស្ស៊ី និងយន្តហោះចាក់សាំងនៅកណ្តាលអាកាស ជាច្រើនគ្រឿងថែមទៀត។ សមយុទ្ធដ៏ធំមហិមាបែបនេះ ត្រូវបានឥណ្ឌាអះអាងថា ជាការហ្វឹកហ្វឺនជំនាញ ដើម្បីជាការត្រៀមខ្លួនឲ្យបានរួចរាល់ សម្រាប់ហេតុការណ៍នានា ដែលអាចកើតមានឡើងភ្លាមៗ ដោយឥតព្រាងទុក។
អ្នកនាំពាក្យកងទ័ពអាកាសឥណ្ឌា លោក អានុផាម បាណែហ្សី (Anupam Banerjee) បានអះអាងថា «វាជាលើកដំបូងបំផុត ដែលមានការហ្វឹកហ្វឺន និងធ្វើសមាហរណកម្មយន្តហោះចម្បាំង Tejas ជាពន្លឺប្រកបដោយប្រសិទ្ធភាព ដើម្បីអាចធ្វើប្រតិបត្តិការដោយកងទ័ពអាកាសឥណ្ឌា ទៅតាមការគ្រោងទុក»។ ការបង្កើនជំនាញនេះ ក៏នឹងត្រូវផ្សាភ្ជាប់ជាមួយកិច្ចសហប្រតិបត្តិការ រវាងកងទ័ពជើងទឹកផងដែរ៕
Comments