មិនធម្មតា! អាមេរិកកំពុងតែត្រៀម «តម្លើងពន្ធបន្ថែមទៀត លើផលិតផលនាំចូលពីចិន...»
(វ៉ាស៊ីនតោន)៖ សហរដ្ឋអាមេរិកត្រូវបានគេរំពឹងថា នឹងបន្តសង្រ្គាមពាណិជ្ជកម្មរបស់ខ្លួនទៅមុខទៀត តាមរយៈ ការតម្លើងពន្ធបន្ថែមនៅថ្ងៃសុក្រសប្ដាហ៍នេះ លើការនាំចូលផលិត ផលចិនដែលមានតម្លៃរាប់ពាន់លានដុល្លារ។ នេះបើតាម Wall Street Journals ដកស្រង់ដោយសារព័ត៌មាន Sputnik នៅរសៀលថ្ងៃព្រហស្បតិ៍ ទី១៤ ខែមិថុនា ឆ្នាំ២០១៨។
យោងតាមសារព័ត៌មានអាមេរិក Wall Street Journals ក្រុមមន្ត្រីក្រសួងពាណិជ្ជកម្ម និងក្រសួងរតនាគារជាតិអាមេរិក បានជួបគ្នាកាលពីសប្ដាហ៍មុន ដើម្បីពិភាក្សាគ្នាលើបញ្ហានេះ និងបានឯកភាពបន្តអនុវត្តន៍ការតម្លើងពន្ធ លើការនាំចូលផលិតផលពីចិន។ ប៉ុន្តែទន្ទឹមគ្នា សកម្មភាពបែបនេះ ត្រូវបានគេរំពឹងថា នឹងទទួលប្រតិកម្មឆ្លើយយ៉ាងខ្លាំងពីសំណាក់ទីក្រុងប៉េកាំង។
ទោះបីជាយ៉ាងនេះក្ដី Wall Street Journals បានបញ្ជាក់ថា ប្រធានាធិបតីអាមេរិក លោក ដូណាល់ ត្រាំ មិនទាន់ធ្វើការសម្រេចចិត្តណាមួយចុងក្រោយនៅឡើយទេ ដោយសារតែលោកត្រូវការជំនួយពីចិនក្នុងការលុបបំបាត់អាវុធនុយក្លេអ៊ែរ នៅលើឧបទ្វីបកូរ៉េ។
គួរបញ្ជាក់ថា ភាពតានតឹងរវាងចិន និងសហរដ្ឋអាមេរិក បានផ្ទុះឡើង បន្ទាប់ពីលោក ត្រាំ បានប្រកាសតម្លើងពន្ធលើការនាំចូលផលិតផលពីចិន ហើយព្រមានបន្តពន្យារពេលការតម្លើងពន្ធនេះ៕
យោងតាមសារព័ត៌មានអាមេរិក Wall Street Journals ក្រុមមន្ត្រីក្រសួងពាណិជ្ជកម្ម និងក្រសួងរតនាគារជាតិអាមេរិក បានជួបគ្នាកាលពីសប្ដាហ៍មុន ដើម្បីពិភាក្សាគ្នាលើបញ្ហានេះ និងបានឯកភាពបន្តអនុវត្តន៍ការតម្លើងពន្ធ លើការនាំចូលផលិតផលពីចិន។ ប៉ុន្តែទន្ទឹមគ្នា សកម្មភាពបែបនេះ ត្រូវបានគេរំពឹងថា នឹងទទួលប្រតិកម្មឆ្លើយយ៉ាងខ្លាំងពីសំណាក់ទីក្រុងប៉េកាំង។
ទោះបីជាយ៉ាងនេះក្ដី Wall Street Journals បានបញ្ជាក់ថា ប្រធានាធិបតីអាមេរិក លោក ដូណាល់ ត្រាំ មិនទាន់ធ្វើការសម្រេចចិត្តណាមួយចុងក្រោយនៅឡើយទេ ដោយសារតែលោកត្រូវការជំនួយពីចិនក្នុងការលុបបំបាត់អាវុធនុយក្លេអ៊ែរ នៅលើឧបទ្វីបកូរ៉េ។
គួរបញ្ជាក់ថា ភាពតានតឹងរវាងចិន និងសហរដ្ឋអាមេរិក បានផ្ទុះឡើង បន្ទាប់ពីលោក ត្រាំ បានប្រកាសតម្លើងពន្ធលើការនាំចូលផលិតផលពីចិន ហើយព្រមានបន្តពន្យារពេលការតម្លើងពន្ធនេះ៕
Comments