លទ្ធផល៤ប្រកួត Wolrd Cup យប់ថ្ងៃសៅរ៍៖ បារាំង​ ឈ្នះអូស្រ្តាលី​, អាហ្សង់ទីន​ ស្មើ អាយឡែន, ដាណាម៉ាក​ ឈ្នះប៉េរូ​ និងក្រូអាត ឈ្នះនីហ្សេរីយ៉ា

(រុស្ស៉ី)៖ ការប្រកួត World Cup 2018 នៅរុស្ស៊ី នាយប់ថ្ងៃសៅរ៍ទី១៦ ខែមិថុនា ឆ្នាំ២០១៨ មានរហូតដល់៤គូ ក្នុងនោះមាន៖ បារាំង​ ឈ្នះអូស្រ្តាលី​, អាហ្សង់ទីន​ ស្មើជាមួយ អាយឡែន, ដាណាម៉ាក​ ឈ្នះប៉េរូ​ និង ក្រូអាត ឈ្នះនីហ្សេរីយ៉ា។
ទី១៖ បារាំង ឈ្នះ អូស្រ្តាលី​ (២-១)
ក្រុមបាល់ទាត់ជម្រើសជាតិបារាំង​ រកបាន៣ពិន្ទុនៅថ្ងៃបើកឆាកនៃពូល​ C ក្រោយឈ្នះអូស្រ្តាលី​ ២-១​ នៅ​ World Cup 2018។ កីឡាករខ្សែប្រយុទ្ធ​ Antoine Griezmann ជាអ្នករកគ្រាប់បែកពងមាន់​ ដោយបាល់ប៉េណាល់ទីនៅនាទីទី៥៨​ និងរំលងបានតែ៤នាទីអូស្រ្តាលីតាមស្មើ​ ១-១​ វិញ។ ការប្រកួតអូសបន្លាយរហូតដល់នាទីទី៨២​ ទើបកីឡាករ​ Paul Pogba រកគ្រាប់ជ័យជម្នះ​ ២-១​ជួយបារាំងឡើងឈរលេខ១​ នៃពូល​ C បណ្តោះអាសន្ន​។
ទី២៖ អាហ្សង់ទីន ស្មើអាយឡែន (១-១)
ការប្រកួតបាល់ទាត់រវាងក្រុមជម្រើសជាតិអាហ្សង់ទីន​ ប៉ះ អាយឡែន​ បានបញ្ចប់ក្នុងលទ្ធផលស្មើគ្នា​ ១-១​ ប្រចាំពូល​ D នៃ​ FIFA World Cup 2018 នៅប្រទេសរុស្ស៊ី។
អាហ្សង់ទីន​ ជាអ្នកស៊ុតគ្រាប់នាំមុខមុន​ នៅនាទីទី១៩​ មុនពេល អាយឡែន តាមបានស្មើវិញ​ នៅ៤នាទីបន្ទាប់បន្តរហូតដល់ចប់ការប្រកួតពេញម៉ោង៩០នាទី។ លុះចូលដល់វគ្គទី២​ អាហ្សង់ទីន មានឱកាសនាំមុខ​ តែកីឡាករខ្សែប្រយុទ្ធ​ Lionel Messi ទាត់បាល់ប៉េណាល់ទី១១ម៉ែត្រ អត់ចូលនៅនាទីទី៦៤​ គួរអោយស្តាយ។
ទី៣៖ ដាណាម៉ាក ឈ្នះ ប៉េរូ (១-០)
ក្រុមបាល់ទាត់ស្ថិតក្នុងទ្វីបអឺរ៉ុប​ ដាណាម៉ាក​ បានយកឈ្នះគូប្រជែង​ប៉េរូ​ ១-០​ ដើម្បីបាន​ ៣ពិន្ទឡើងទៅឈរលេខ២​ ពូល​ C បណ្តោះអាសន្ននៃ​ World Cup 2018 នៅរុស្ស៊ី។ ១គ្រាប់ជ័យជម្នះរបស់ដាណាម៉ាក​ កើតឡើងនៅនាទី៥៩​ ដោយកីឡាករ​ Yussuf Poulsen ក្រោយទទួលបាល់ពី​ Christian Erikesn។ ជ័យជម្នះនេះក៏ផ្តល់ការខកចិត្ត ដល់ក្រុមពីអាមេរិឡាំទីន​ ប៉េរូ​ ខណ:ប៉េណាល់ទី១គ្រាប់អត់ចូល នៅចុងម៉ោងនៃវគ្គទី១​ ដោយធ្លាក់ទៅឈរនៅបាតតារាងនៃពូល​ C ស្របពេលបារាំង​ លេខ១​ បន្ទាប់ពីឈ្នះ​ អូស្រ្តាលី​ ២-១។
ទី៤៖ ក្រូអាត ឈ្នះ នីហ្សេរីយ៉ា (២-០)
ក្រុមបាល់ទាត់ជម្រើសជាតិ ក្រូអាត​ បានលត់ក្រុមពីអាហ្រ្វិក​ នីហ្សេរីយ៉ា​ ២-០​ ដើម្បីទទួលបាន​ ៣ពិន្ទុឡើងឈរកំពូលតារាងនៃពូល​ D បណ្តោះអាសន្ននៅ​ World Cup 2018 ។ ក្រូអាតបានក្លាយជាក្រុមទី១​ ក្នុងចំណោម​ ៤ក្រុមស្ថិតក្នុងពូល​ D ដែលរកបាន​ ៣ពិន្ទុពេញ​ ក្រោយពេល អាហ្សង់ទីន​ និងអាយឡែន​ មាន១ពិន្ទុ​ បន្ទាប់ប្រកួតស្មើគ្នា​ ១-១
កីឡាករខ្សែការពារធ្វេសប្រហែសចូលទីខ្លួនឯងនៅនាទីទី៣២​ ធ្វើឲ្យក្រូអាតនាំមុខ​ ១-០​ ក្នុងវគ្គទី១​ មុនកីឡាករ​ Luka Modric បន្ថែមគ្រាប់ទី២​ ដោយបាល់ប៉េណាល់ទី១១ម៉ែត្រ​ នៅនាទីទី៧១​ ដើម្បីធានាជ័យជម្នះ​ ១០០%​ តែម្តង៕

Comments

Post a Comment

Popular posts from this blog

បញ្ជីរាយនាមកីឡាករក្រុមជម្រើសជាតិកម្ពុជា អាយុក្រោម២២ឆ្នាំ ចំនួន៣០នាក់ លេីកទី១

Image
  (ភ្នំពេញ)៖ សហព័ន្ធបាល់ទាត់កម្ពុជា បានប្រកាសបង្ហាញបញ្ជីរាយនាមកីឡាករក្រុមជម្រើសជាតិកម្ពុជា អាយុក្រោម២២ឆ្នាំ ចំនួន៣០នាក់ ត្រៀមសម្រាប់ការប្រមូលផ្ដុំ និងបោះជំរុំហ្វឹកហាត់លេីកទី១ ដែលនឹងធ្វេីឡេីងចាប់ពីថ្ងៃទី២៧ ខែកុម្ភៈ ដល់ថ្ងៃទី១៥ ខែមីនា ឆ្នាំ២០២៣ នៅកោះសាមុយ។ ខាងក្រោមនេះជាឈ្មោះរបស់កីឡាករ ៣០នាក់ត្រៀមសម្រាប់ការប្រមូលផ្ដុំ និងបោះជំរុំហ្វឹកហាត់លេីកទី១ ​មានដូចខាងក្រោម៖ អ្នកចាំទីរួមមាន៖ ១៖​ កយ​ សាលីម ២៖ រ៉េត លីហេង ៣៖ វីរះ ដារ៉ា។ ខ្សែការពាររួមមាន៖ ១៖ សុផល ឌីម៉ង់ ២៖ សឿត ណាវ៉ា ៣៖ តាំង ប៊ុនឆៃ ៤៖ វុាំង ដាវីន ៥៖ ឈុំ សុខហៃ ៦៖ កើត ពេជ្រ ៧៖ ជា​ សុខម៉េង ៨៖ ផាត​ សុខា ៩៖ អុីម រ៉ាឃីម ១០៖ រី លាភផេង ១១៖ នី​ សុខវី ១២៖​ ចាន់ សារ៉ាពេជ្រ ១៣៖ ឡេង ណូរ៉ា ១៤៖ ស រតនា។ ខ្សែប្រយុទ្ធរួមមាន៖​ ១៖ សៀង ចន្ធា ២៖ លឹម ពិសុទ្ធ ៣៖ ងាវ សុខនេត្រ ៤៖ គី​ រីណា ៥៖ អ៊ាន ពីសី ៦៖ សារ ទី ៧៖ វឿន វ៉ា ។ ខ្សែបម្រើរួមមាន៖​ ១៖ ញាន សុសុីដាន ២៖ ទេព ហ្វីលីប ៣៖ ជូ សុីនទី ៤៖ មិន រតនះ ៥៖​ សុិន សុវណ្ណមករា ៦៖ លឹម អារុណ រ៉េយមិន។ បញ្ជាក់ផងថា នេះបញ្ជីឈ្មោះកីឡាករដំបូង ដែលត្រៀមប្រមូលផ្តុំហ្វឹកហាត់ និងសម្រេចជ្រើសយក សម្រាប់ក្រុមជម្រើសជាតិអាយុក្រោម ២២ឆ្នាំ រប...
Read more

អ៉ីរ៉ង់ បដិសេធការចម្រាញ់សារធាតុអ៊ុយរ៉ាញ៉ូម រហូតដល់៨៤% ដែលលើកឡើងដោយ IAEA និងប្រព័ន្ធផ្សព្វផ្សាយលោកខាងលិច

Image
  (តេហេរ៉ង់)៖ ប្រទេសអ៉ីរ៉ង់បានបដិសេធថា ខ្លួនមិនមានចេតនាបង្កើនបរិមាណការចម្រាញ់សារធាតុអ៊ុយរ៉ាញ៉ូម រហូតដល់៨៤% នោះទេ ចំពោះមុខភាពចម្រូងចម្រាស់ដែលកំពុងកើតមាន ជាមួយក្រុមឃ្លាំមើលនុយក្លេអ៊ែរពិភពលោក និងការខ្វែងគំនិតគ្នាលើកិច្ចព្រមព្រៀងនុយក្លេអ៊ែរឆ្នាំ២០១៥។ នេះបើយោងតាមការដកស្រង់ផ្សាយដោយទីភ្នាក់ងារសារព័ត៌មាន AFP នៅថ្ងៃចន្ទ ទី២០ ខែកុម្ភៈ ឆ្នាំ២០២៣។ កាលពីថ្ងៃអាទិត្យចុងសប្តាហ៍កន្លងទៅនេះ ទីភ្នាក់ងារសារព័ត៌មាន Bloomberg បានរាយការណ៍ថា ក្រុមអ្នកត្រួតពិនិត្យរួមជាមួយ ទីភ្នាក់ងារថាមពលអាតូមិកអន្តរជាតិ (IAEA) បានរកឃើញសារធាតុអ៊ុយរ៉ាញ៉ូមដែលចម្រាញ់រួចនៅកម្រិត ៨៤% ខណៈដែលគេត្រូវការសារធាតុអ៊ុយរ៉ាញ៉ូម ៩០% សម្រាប់ផលិតគ្រាប់បែកនុយក្លេអ៊ែរបានមួយគ្រាប់ ហើយកំពុងព្យាយាមកំណត់ថា តើវាត្រូវបានផលិតដោយចេតនាឬយ៉ាងណា។ គណនី Twitter របស់ទីភ្នាក់ងារថាមពលអាតូមិកអន្តរជាតិ (IAEA) នៅព្រឹកថ្ងៃចន្ទនេះ បានបង្ហោះសារមួយថា «IAEA បានដឹងអំពីរបាយការណ៍ប្រព័ន្ធផ្សព្វផ្សាយថ្មីៗ ទាក់ទងនឹងកម្រិតនៃការចម្រាញ់សារធាតុអ៊ុយរ៉ាញ៉ូម នៅក្នុងប្រទេសអ៊ីរ៉ង់។ ប្រធាន IAEA លោក រ៉ាហ្វាអេល ហ្រ្គូសស៉ី (Rafael Grossi) កំពុងពិភាក្សាជាមួយភាគីអ៉ីរ៉ង់ អំពីលទ្ធផលនៃសកម្មភ...
Read more

សម្តេចតេជោ ហ៊ុន សែន អំពាវនាវប្រជាពលរដ្ឋទូទាំងប្រទេស យកចិត្តទុកដាក់រឿងអនាម័យ ពេលកម្ពុជារៀបចំការប្រកួតស៉ីហ្គេម

Image
  (ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវឱ្យប្រជាពលរដ្ឋខ្មែរនៅទូទាំងប្រទេស យកចិត្តទុកដាក់លើរឿងអនាម័យ ក្នុងពេលកម្ពុជារៀបចំការប្រកួតស៉ីហ្គេម ខាងមុខនេះ។ ការអំពាវនាវរបស់សម្តេចតេជោ​ ហ៊ុន សែន បានធ្វើឡើងពេលអញ្ជើញជាអធិបតីប្រគល់វិញ្ញាបនបត្រ និងសញ្ញាបត្រ ដល់សិស្សវិជ្ជាជីវៈ និងនិស្សិតសាកលវិទ្យាល័យធនធានមនុស្ស ជិត២ពាន់នាក់ នាព្រឹកថ្ងៃទី២០ ខែកុម្ភៈ ឆ្នាំ២០២៣។ ក្នុងឱកាសនោះដែរ សម្តេចតេជោ ហ៊ុន សែន បានថ្លែងដែរថា សម្រាប់ព្រឹត្តិការណ៍ស៉ីហ្គេម ការដណ្តើមមេដាយជារឿងមួយ តែក្នុងនាមជាម្ចាស់ផ្ទះ ត្រូវរៀបចំការប្រកួតនេះឱ្យបានល្អ។ សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «ត្រូវគ្រប់គ្រងឲ្យបានល្អ ក្នុងហ្នឹង សូមអំពាវនាវប្រជាពលរដ្ឋ ដែលរស់នៅភ្នំពេញ របស់យើង និងទីក្រុងនានា ដែលត្រូវរៀបចំការប្រកួត គឹត្រូវសុំប្រើពេលវេលានៃយុទ្ធនាការរបស់យើងនេះ ដែលនៅសល់ ៧៤ថ្ងៃនេះ គឺបង្កើននូវគុណភាពអនាម័យ។ មិនត្រឹមតែទីតាំងរៀបចំព្រឹត្តិការណ៍នេះទេ តែទូទាំងប្រទេសត្រូវគិតរឿងអនាម័យ​ ព្រោះពេលវេលានោះជាពេលវេលាមកដល់ មិនគ្រាន់តែជាអ្នកកីឡាទេ មកទាំងអ្នកគាំទ្រ ហើយអ្នកគាំទ្រនោះគេអាចទស្សនកិច្ច នៅតាមខេត្តនានាក្រៅពីកន្លែងប្រកួត»...
Read more