សកម្មជនសិទ្ធិមនុស្ស៖ មូលដ្ឋានទ័ពដែលអាមេរិកកំពុងសាងសង់បន្ថែមនៅជប៉ុន នឹងជះឥទ្ធិពលអាក្រក់កិច្ចខិតខំប្រែងស្វែងរកសន្តិភាពនៅអាស៊ី-ប៉ាស៊ីហ្វិក
(វ៉ាស៊ីនតោន)៖ អ្នកវិភាគម្នាក់បានលើកឡើងថា ការបង្កើតមូលដ្ឋានយោធាថ្មីនៅលើកោះអូគីណាវ៉ាប្រទេសជប៉ុន នឹងជះផលអវិជ្ជមានដល់កិច្ចប្រឹងប្រែងរបស់ទីក្រុងវ៉ាស៊ីនតោន ដែលកំពុងព្យាយាមចរចាកិច្ចព្រមព្រៀងពាណិជ្ជកម្មជាមួយចិន និងលុបបំបាត់អាវុធនុយក្លេអ៊ែរចេញពីកូរ៉េខាងជើង។ នេះបើតាមការដកស្រង់ការផ្សាយចេញពីសារព័ត៌មានរុស្ស៊ី Sputnik នារសៀលថ្ងៃសុក្រ ទី២៥ ខែមករា ឆ្នាំ២០១៩។
លោក រ៉ូប៊ឺត កាជីវ៉ារ៉ា (Robert Kajiwara) ដែលជាសកម្មជនការពារសិទ្ធិមនុស្សមួយរូបផងដែរនោះ ធ្លាប់បានសរសេរលិខិតចំហមួយដើម្បីស្នើឲ្យប្រធានាធិបតីអាមេរិកលោក ដូណាល់ ត្រាំ បញ្ឈប់ដំណើរការសាងសង់បន្ទាយកងទ័ពថ្មីនៅសង្កាត់ ហេណូកុ (Henoko) នៃក្រុង ណាហ្គោ (Nago) លើកោះអូគីណាវ៉ា។ លោក Kajiwara បាននិយាយថា វត្តមានមូលដ្ឋានយោធាអាមេរិកថ្មីនៅជប៉ុន នឹងអាចបំផ្លាញយុទ្ធសាស្រ្តផ្នែកការទូតរបស់ ត្រាំ ជាមួយចិន និងកូរ៉េខាងជើង ដោយសារវានឹងបង្កើនភាពតានតឹងនៅតំបន់អាស៊ី-ប៉ាស៊ីហ្វិក។
អ្នកវិភាគរូបនេះបន្តបកស្រាយយ៉ាងដូច្នេះថា «គ្មានប្រទេសណាចង់ឲ្យមូលដ្ឋានយោធារបស់ប្រទេសជាគូប្រជែង ស្ថិតនៅក្បែរព្រំដែនរបស់ពួកគេឡើយ។ ម៉្យាងវិញទៀត មូលដ្ឋានទ័ពទាំងនេះគ្មានជួយអ្វីបានក្រៅតែពីជំរុញឲ្យចិន និងកូរ៉េខាងជើងចាយលុយកាន់ច្រើនរាប់ពាន់លានដុល្លារ ទៅលើការពង្រឹងវិស័យយោធាការពារជាតិប៉ុណ្ណោះ។ ក្រៅពីនេះប្រសិនបើមានជម្លោះផ្ទុះឡើង បន្ទាយយោធាអាមេរិកនៅជប៉ុន អាចត្រូវចិន ឬកូរ៉េខាងជើងវាយកម្ទេចបានយ៉ាងងាយ ក្នុងពេលត្រឹមតែប៉ុន្មាននាទី»។
គួរជម្រាបថា កោះភាគខាងត្បូងជប៉ុន «អូគីណាវ៉ា» ដែលស្មើនឹង ០.៦ភាគរយនៃដែនដីជប៉ុនទាំងមូល ជាជម្រករបស់បន្ទាយយោធាអាមេរិកជាង ៣០ទីតាំង ជាមួយវត្តមានទ័ពប្រមាណ ២៥,០០០នាក់។ បើតាមរដ្ឋាភិបាលជប៉ុន វត្តមានយោធាអាមេរិកគឺជារឿងចាំបាច់ ដើម្បីធានាការពារសន្តិសុខរបស់ប្រទេសអាស៊ីខាងកើតនេះ។ ប៉ុន្តែប៉ុន្មានឆ្នាំចុងក្រោយនេះ ក៏មានចលនាធ្វើបាតុកម្មធំៗ កំពុងបន្តកើតឡើងនៅលើកោះអូគីណាវ៉ាផងដែរ ដែលប្រឆាំងនឹងវត្តមានរបស់យោធាអាមេរិកនៅទីនោះ៕
លោក រ៉ូប៊ឺត កាជីវ៉ារ៉ា (Robert Kajiwara) ដែលជាសកម្មជនការពារសិទ្ធិមនុស្សមួយរូបផងដែរនោះ ធ្លាប់បានសរសេរលិខិតចំហមួយដើម្បីស្នើឲ្យប្រធានាធិបតីអាមេរិកលោក ដូណាល់ ត្រាំ បញ្ឈប់ដំណើរការសាងសង់បន្ទាយកងទ័ពថ្មីនៅសង្កាត់ ហេណូកុ (Henoko) នៃក្រុង ណាហ្គោ (Nago) លើកោះអូគីណាវ៉ា។ លោក Kajiwara បាននិយាយថា វត្តមានមូលដ្ឋានយោធាអាមេរិកថ្មីនៅជប៉ុន នឹងអាចបំផ្លាញយុទ្ធសាស្រ្តផ្នែកការទូតរបស់ ត្រាំ ជាមួយចិន និងកូរ៉េខាងជើង ដោយសារវានឹងបង្កើនភាពតានតឹងនៅតំបន់អាស៊ី-ប៉ាស៊ីហ្វិក។
អ្នកវិភាគរូបនេះបន្តបកស្រាយយ៉ាងដូច្នេះថា «គ្មានប្រទេសណាចង់ឲ្យមូលដ្ឋានយោធារបស់ប្រទេសជាគូប្រជែង ស្ថិតនៅក្បែរព្រំដែនរបស់ពួកគេឡើយ។ ម៉្យាងវិញទៀត មូលដ្ឋានទ័ពទាំងនេះគ្មានជួយអ្វីបានក្រៅតែពីជំរុញឲ្យចិន និងកូរ៉េខាងជើងចាយលុយកាន់ច្រើនរាប់ពាន់លានដុល្លារ ទៅលើការពង្រឹងវិស័យយោធាការពារជាតិប៉ុណ្ណោះ។ ក្រៅពីនេះប្រសិនបើមានជម្លោះផ្ទុះឡើង បន្ទាយយោធាអាមេរិកនៅជប៉ុន អាចត្រូវចិន ឬកូរ៉េខាងជើងវាយកម្ទេចបានយ៉ាងងាយ ក្នុងពេលត្រឹមតែប៉ុន្មាននាទី»។
គួរជម្រាបថា កោះភាគខាងត្បូងជប៉ុន «អូគីណាវ៉ា» ដែលស្មើនឹង ០.៦ភាគរយនៃដែនដីជប៉ុនទាំងមូល ជាជម្រករបស់បន្ទាយយោធាអាមេរិកជាង ៣០ទីតាំង ជាមួយវត្តមានទ័ពប្រមាណ ២៥,០០០នាក់។ បើតាមរដ្ឋាភិបាលជប៉ុន វត្តមានយោធាអាមេរិកគឺជារឿងចាំបាច់ ដើម្បីធានាការពារសន្តិសុខរបស់ប្រទេសអាស៊ីខាងកើតនេះ។ ប៉ុន្តែប៉ុន្មានឆ្នាំចុងក្រោយនេះ ក៏មានចលនាធ្វើបាតុកម្មធំៗ កំពុងបន្តកើតឡើងនៅលើកោះអូគីណាវ៉ាផងដែរ ដែលប្រឆាំងនឹងវត្តមានរបស់យោធាអាមេរិកនៅទីនោះ៕
Comments