រលកកម្តៅវាយប្រហារទ្វីបអឺរ៉ុប៖ មនុស្ស២នាក់ស្លាប់នៅអេស្ប៉ាញ, ទីក្រុងប៉ារីសកើនកម្តៅដល់ «៤៥អង្សាសេ» មិនធ្លាប់មាន!

(ប៉ារីស)៖ តំបន់ជាច្រើននៅក្នុងទ្វីបអឺរ៉ុបកំពុងតែទទួលរងនូវរលកកម្តៅប្រចាំឆ្នាំ ដែលបាននិងកំពុង បង្កទៅគ្រោះមហន្តរាយផងដែរ ខណៈនៅអេស្ប៉ាញមានសេចក្តីរាយការណ៍ថា មនុស្ស០២នាក់ហើយបានបាត់បង់ជីវិត ហើយនៅទីក្រុងប៉ារីសប្រទេសបារាំងវិញ សីតុណ្ហភាពបានកើនឡើងខ្ពស់ដល់ជាង ៤៥អង្សាសេជាលើកដំបូងបំផុត ជាហេតុធ្វើឲ្យការធ្វើដំណើរក្នុងទីក្រុងមានភាព លំបាក។ នេះបើតាមការចេញផ្សាយដោយ CNA នាព្រឹកថ្ងៃសៅរ៍ ទី២៩ ខែមិថុនា ឆ្នាំ២០១៩។

រលកកម្តៅបានវាយប្រហារខ្លាំងបំផុតនៅក្នុងតំបន់មួយឈ្មោះ វីលវីយី (Villevieille) នៃសង្កាត់ហ្គាដ (Gard) ទីក្រុងប៉ារីស ដោយកម្តៅនៅទីនោះគឺលោតដល់ ៤៥.១អង្សាសេឯណោះ ខណៈកម្រិតកម្តៅកន្លងមក ដែលតំបន់នេះធ្លាប់កើនឡើងខ្ពស់បំផុតនោះគឺតែ ៤៤.១អង្សាសេប៉ុណ្ណោះ កាលពីកំឡុងខែសីហា ឆ្នាំ២០០៣។ បើតាមការព្យាករណ៍កន្លងមក ប្រទេសបារាំង អេស្ប៉ាញ និងអ៊ីតាលី តែងតែទទួលរងរលកកម្តៅខ្លាំងជាងប្រទេសផ្សេងៗទៀត នៅទ្វីបអឺរ៉ុបជារៀងរាល់ឆ្នាំ។

គួរបញ្ជាក់ថា បើតាមអង្គការឧតុនិយមពិភពលោក (WMO) ឆ្នាំ២០១៩នេះត្រូវបានចាត់ចូលទៅក្នុង បណ្តាឆ្នាំនៃការវាយលុកដោយរលកកម្តៅខ្ពស់បំផុត នៅក្នុងប្រវត្តិសាស្ត្រនៃភពផែនដី ហើយប្រទេសនៅតំបន់ត្រូពិក អេក្វាទ័រ និងត្រជាក់បង្គួរអាចនឹងទទួលរងគ្រោះធ្ងន់ជាងគេ។ ក្រុមអ្នកគាំពារបរិស្ថានបានអះអាងថា រលកកម្តៅកើនឡើងខ្ពស់មិនធ្លាប់មានបែបនេះ គឺពិតណាស់ថាត្រូវបានបង្កឡើងដោយ កំណើននៃការបញ្ចេញឧស្ម័នផ្ទះកញ្ចក់ និងការកាប់បំផ្លាញព្រៃឈើ៕











Comments

Post a Comment

Popular posts from this blog

ធនាគារជាតិនៃកម្ពុជា៖ អ្នកដាក់ប្រាក់ញ្ញើមានជាង៦លាននាក់ ខណៈអ្នកខ្ចីប្រាក់មាន២.៨៥លាននាក់ ក្នុងឆ្នាំ២០១៨

Image
(ភ្នំពេញ)៖ របាយការណ៍ធនាគារជាតិនៃកម្ពុជាឲ្យដឹងថា ក្នុងឆ្នាំ២០១៨ អត្រានៃអ្នកដាក់ប្រាក់បញ្ញើ នៅតាមគ្រឹះស្ថានធនាគារ និងហិរញ្ញវត្ថុ មានជាង៦លាននាក់កើនឡើងចំនួន១៣% បើធៀបនឹងរយៈពេលដូចគ្នាឆ្នាំ២០១៧។ ដោយឡែកសម្រាប់អ្នកខ្ចីប្រាក់ មានការកើនឡើងត្រឹមតែ២.៨៥លាននាក់ មានកំណើន៣%ប៉ុណ្ណោះ បើធៀបនឹងឆ្នាំ២០១៧។ ជាមួយនឹងការកើនឡើងឥតឈប់ឈរនេះ វិស័យធនាគារក៏បានពង្រីសាខា និងបណ្ដាញប្រតិបត្តិការ ជាបន្ដបន្ទាប់ដោយក្នុងនោះមានចំនួន២,១៦៤កន្លែង។ ចំណែកឯម៉ាស៊ីនដក និងដាក់ប្រាក់ស្វ័យប្រវត្តិកើនរហូតដល់១,៨០៤នៅទូទាំងប្រទេសកម្ពុជា។ លោក ជា ចាន់តូ អគ្គទេសាភិបាលធនាគារជាតិនៃកម្ពុជាឲ្យដឹងថា ធនាគារជាតិបានប្រឹងប្រែង ធ្វើឲ្យវិស័យធនាគារមានការរីកចម្រើន ដោយធនាគារជាតិបានលើកម្ពស់បរិយាប័នហិរញ្ញវត្ថុ និងបង្ការហានីភ័យលើវិស័យធនាគារ ដើម្បីបន្ដគាំទ្រកំណើនប្រកបដោយចីរភាព និងបរិយាប័ន ព្រមទាំងកាត់បន្ថយភាពក្រីក្រនៅកម្ពុជាថែមទៀតផង។ លោកបន្ដថា លទ្ធផលទាំងនេះបានស្ដែងពិសេស តាមរយៈកំណើននៃប្រាក់បញ្ញើឥណទាន និងការទូទាត់ក្នុងប្រព័ន្ធធនាគារ។ ទន្ទឹមនឹងនេះធនាគារជាតិនៃកម្ពុជា បានបន្ដតម្លាភាព, ការប្រកួតប្រជែងស្មើភាព, ការការពារអតិថិជន, ចំណេះដឹងផ្នែកហិរញ្ញវត្ថុ និងក្ដីព្រាងយុទ្...
Read more

ប្រធានគណបក្សប្រជាជនខេត្តព្រះវិហារ ជំរុញឲ្យប្រធានក្រុមបក្សតាមមូលដ្ឋានទាំងអស់ ត្រូវរួមសហការជាមួយមន្ត្រីជំនាញ ដោះស្រាយបញ្ហាប្រឈមជូនប្រជាពលរដ្ឋ ឲ្យបានទាន់វេលា

Image
(ព្រះវិហារ)៖ ក្នុងគោលបំណងស្វែងរកជ័យជម្នះ សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៦ ជូនគណបក្សប្រជាជនកម្ពុជាលោក អ៊ុន ចាន់ដា ប្រធានគណៈកម្មាធិការគណបក្ស ប្រជាជនកម្ពុជាខេត្តព្រះវិហារ បានប្រាប់ដល់ប្រធានក្រុមបក្ស ឃុំ-ស្រុកទាំងអស់ ត្រូវយកចិត្តទុកដាក់សហការគ្នា ដោះស្រាយបញ្ហាប្រឈមផ្សេងៗ ដែលនៅសេសសល់ជូនប្រជាពលរដ្ឋ ដោយកុំទុកបញ្ហានេះឲ្យរីកធំឡើង នាំឲ្យប្រជាពលរដ្ឋមានការថ្នាំងថ្នាក់ចិត្ត។ ការថ្លែងបែបនេះរបស់ លោក អ៊ុន ចាន់ដា ក្នុងឱកាសដែលលោកចូលរួម នៅក្នុងពិធីសំណេះសំណាល ត្រួតពិនិត្យការអនុវត្តការងារ ការរៀបចំផែនការឆ្ពោះទៅកាន់ការបោះឆ្នោត ជ្រើសតាំងតំណាងរាស្ត្រ អាណត្តិទី៦ បញ្ហាប្រឈម ដើម្បីធ្វើការដោះស្រាយនៅក្នុងមូលដ្ឋាន និងការងាររដ្ឋបាល ក៏ដូចជា ការផ្តល់នូវសេវានានា ជូនប្រជាពលរដ្ឋ នាព្រឹកថ្ងៃទី០៩ ខែមិថុនា ឆ្នាំ២០១៨នេះ។ ក្នុងពិធីដែលធ្វើឡើងនៅទីស្នាក់ការ គណបក្សប្រជាជនកម្ពុជា ស្រុកគូលែន ខេត្តព្រះវិហារនេះ ក៏មានការចូលរួមពីលោក ឡុង សុវណ្ណ អនុប្រធានគណបក្សប្រជាជនខេត្ត និងលោក យិន ចំណាន ប្រធានក្រុមការងារថ្នាក់ខេត្ត ចុះជួយស្រុកគូលែន ព្រមទាំងប្រធាន អនុប្រធានក្រុមការងារចុះជួយស្រុក-ឃុំ ជាច្រើនរូបផងដែរ។ ជាមួយគ្នានេះ លោក អ៊ុ...
Read more

កម្ពុជាធ្វើជាម្ចាស់ផ្ទះរៀបចំកិច្ចប្រជុំ «កិច្ចសហប្រតិបត្តិការទីផ្សារ មូលធនក្នុងតំបន់ទន្លេមេគង្គ» !

Image
(ភ្នំពេញ)៖ គណៈកម្មការមូលបត្រកម្ពុជា (គ.ម.ក.) នៅថ្ងៃទី១៤ ខែធ្នូ ឆ្នាំ២០១៨នេះ បានទទួលធ្វើជាម្ចាស់ផ្ទះរៀបចំកិច្ចប្រជុំ «កិច្ចសហប្រតិបត្តិការទីផ្សារ មូលធនក្នុងតំបន់ទន្លេមេគង្គ (Mekong Capital Markets Cooperation-MCMC)» លើកទី៨ នៅសណ្ឋាគារ Raffle Hotel Le Royal រាជធានីភ្នំពេញ ក្រោមអធិបតីភាពលោក ស៊ូ សុជាតិ អគ្គនាយកនៃ គ.ម.ក.។ កិច្ចប្រជុំ MCMC ត្រូវបានបង្កើតឡើងនៅក្នុងឆ្នំា២០១៣ ក្រោមគំនិតផ្តួចផ្តើមរបស់និយ័តករមូលបត្រ នៃប្រទេសអនុតំបន់ទន្លេមេគង្គចំនួន ៥ ជាសមាជិក រួមមាន៖ ប្រទេសកម្ពុជា ឡាវ មីយ៉ាន់ម៉ា វៀតណាម និងប្រទេសថៃ។ សម្រាប់ឆ្នាំ២០១៨ នេះ ជាលើកទី២ ដែល គ.ម.ក. បានទទួលធ្វើជាម្ចាស់ផ្ទះ បន្ទាប់ពីបាន ទទួលធ្វើជាម្ចាស់ផ្ទះលើកទី១ នៅខេត្តសៀមរាប ឆ្នាំ២០១៥ កន្លងទៅ។ កិច្ចប្រជុំ MCMC លើកទី៨នេះ ត្រូវបានធ្វើឡើងក្នុងគោលបំណង ដើម្បីផ្តល់ឱកាសដល់ប្រទេសជា សមាជិកធ្វើការចែករំលែកបទពិសោធន៏ថ្មីៗ រួមមាន ការធ្វើបច្ចុប្បន្នភាពបទប្បញ្ញត្តិពាក់ព័ន្ធ បញ្ហាប្រឈម ក្នុងការអភិវឌ្ឍទីផ្សារមូលធន និងការពិភាក្សាវែកញែករកវិធីសាស្រ្ត ក៏ដូចជាតាមដានការងារដែលបានដាក់ចេញ កន្លងទៅ ព្រមទាំងការងារដែលត្រូវអនុវត្តបន្ត ដើម្បីឱ្យប្រទេសសមាជិកទាំងអស់ទទួលបាននូ...
Read more