Alibaba ត្រៀមដាក់ដំណើរការ chatbot របស់ខ្លួន ដើម្បីប្រជែងជាមួយ ChatGPT

 (បរទេស)៖ ក្រុមហ៊ុនបច្ចេកវិទ្យាយក្សរបស់ចិន Alibaba បាននិយាយថា ខ្លួននឹងដាក់ដំណើរការ Chatbot ថ្មីមួយ ដែលមានទម្រង់ដូចគ្នាទៅនឹង ChatGPT របស់ក្រុមហ៊ុន OpenAI ដែលមានលោក Elon Musk ជាម្ចាស់ក្រុមហ៊ុន និង Microsoft ជាអ្នកបោះទុក។

ក្រុមហ៊ុនចិនមួយនេះ បាននិយាយថា ខ្លួនកំពុងសាកល្បង chatbot ដែលដំណើរការដោយបញ្ញាសិប្បនិម្មិត (AI) ប៉ុន្តែមិន​បាន​ចែក​រំលែក​ព័ត៌មាន​លម្អិត​អំពី​ពេល​ដែដនឹង​បើក​ដំណើដំណើរការ ក៏ដូចជាឈ្មោះផងដែរ។

អ្នកនាំពាក្យរបស់ Alibaba បានប្រាប់ CNN នៅក្នុងសេចក្តីថ្លែងការណ៍មួយនៅថ្ងៃព្រហស្បតិ៍ថា ការច្នៃប្រឌិតនៅខាងមុខ ដូចជាគំរូភាសាធំៗ និងការបង្កើត AI គឺជាចំណុចសំខាន់របស់យើង ចាប់តាំងពីការបង្កើត DAMO ក្នុងឆ្នាំ 2017។ ផ្តោតលើភាពវៃឆ្លាតរបស់ម៉ាស៊ីន ការគណនាទិន្នន័យ និងមនុស្សយន្ត។ ក្នុងនាមជាអ្នកដឹកនាំផ្នែកបច្ចេកវិទ្យា យើងនឹងបន្តវិនិយោគក្នុងការប្រែក្លាយការច្នៃប្រឌិតទំនើបៗទៅជាកម្មវិធីបន្ថែមតម្លៃសម្រាប់អតិថិជនរបស់យើង ក៏ដូចជាអ្នកប្រើប្រាស់ចុងក្រោយរបស់ពួកគេផងដែរ។

ក្រោយពីប្រកាសចេញព័ត៌មាននេះ តម្លៃភាគហ៊ុនរបស់ក្រុមហ៊ុន Alibaba នៅក្នុងទីក្រុងហុងកុងបានកើនឡើង ១.៤ភាគរយ ភ្លាមៗ។

បច្ចុប្បន្ននេះ មិនមែនមានតែ Alibaba មួយប៉ុណ្ណោះទេ ដែលបានបង្កើត ChatGPT នោះ គឺមានច្រើនក្រុមហ៊ុនទៀត ដែលបានបង្កើតរួច និងកំពុងបង្កើត ជាក់ស្តែងនៅក្នុងសប្បាយនេះ Google និងក្រុមហ៊ុនចិន Baidu បានប្រកាសបង្ហាញពីគម្រោង៕